Best of Urdu Ahsan Butt

تمام رات ظؔفر میں نے اس سے باتیں کیں عجیب لطف دیا میری خود کلامی نے شاعر: ظفر گورکھ پوری

پیاسوں سے ہمدردی رکھی جاتی ہے بادل اپنے گھر برسایا جاتا ہے شاعر: ظفر گورکھ پوری

اچھا سا کوئی سپنا دیکھو اور مجھے دیکھو جاگو تو آئینہ دیکھو اور مجھے دیکھو سوچو یہ خاموش مسافر کیوں افسردہ ہے جب بھی تم دروازہ کھولو اور مجھے دیکھو دو ہی چیزیں اس دھرتی پر دیکھنے والی ہیں مٹی کی سندرتا دیکھو اور مجھے دیکھو شاعر: ثروت حسین

تم جس خواب میں آنکھیں کھولو اس کا روپ امر تم جس رنگ کے کپڑے پہنو، وہ موسم   کا رنگ تم جس پھول کو ہنس کر دیکھو، کبھی نہ وہ مرجھائے تم جس حرف پہ انگلی رکھ دو، وہ روشن ہو جائے شاعر: امجد اسلام امجد

خیرہ خیرہ روشنی میری چھاوں میں ہوتی ہے یہ دنیا جس کا نام ہے میرے پاوں میں ہوتی ہے شاعر: پروفیسر ارشد میر مرحوم

میں آپ ہوں اپنا زائچہ، میں آپ ستارہ ہوں میں آپ سمندر ذات کا، میں آپ کنارہ ہوں شاعر: پروفیسر ارشد میر مرحوم

یوں آ رہی ہے بچھڑے ہوئے دوستوں کی یاد جیسے چراغ جلتے ہوں راتوں کو گاوں میں شاعر: عبدالحمید عدم

لاش کے پہلو سے چوری ہو گئے ایک ٹوٹی سائیکل، خالی ٹفن شاعر: اسلم کولسری

مسائل کی تہ تک نہ پہنچا گیا مصائب کی فصلیں اگا دی گئیں سہولت سے مہمان کھیلیں شکار درختوں پہ چڑیاں سجا دی گئیں کڑی دھوپ میں دوپہر کی نشاط درختوں کی شاخیں جلا دی گئیں شاعر: ارتضی' نشاط

آتا ہے روز اٹھ کر، تیری برابری کو کیا دن لگے ہیں دیکھو خورشید_ خاوری کو شاعر: خان آرزو

اس کی پائل اگر چھنک  جائے گردش_ آسماں  ٹھٹک   جائے ہائے اس مہ جبیں کی یاد عدم جیسے سینے میں دم اٹک جائے شاعر: عبدالحمید عدم

آؤ سب روشنی کی ڈگر پہ چلیں نفرتوں کے جہنم سے ہو کے پرے باغِ دنیا میں خوشیوں کے مالی بنیں جُگنووں کی طرح اپنے اندر جلیں دوسروں کے لیے روشنی ہم بنیں اور ہر راستے پہ سویرا کریں ہم محبت کریں ہم محبت کریں شاعرہ: ثمینہ تبسم

شام  کے  پیچ   و  خم  ستاروں  سے زینہ    زینہ    اتر     رہی      ہے     رات یوں   صبا    پاس    سے    گزرتی     ہے جیسے کہہ دی کسی نے پیار کی بات شاعر: فیض احمد فیض